In Nur Muhammad biya'tal sin manga Ulama' Sufi's

By Abu Mardiya As-Salafiy (TL)

In Nur Muhammad biya'tal sin manga Ulama' Sufi's

Assalamu Ala manittabaal Huda

Hi Shiekh Al-Allamah Abu Abdur Rahman Abdullah ibn Muhammad ibn Yusof ibn Abdullah ibn Jami' al-Harari hambuuk Shiekh dakulah sin ilmu' Tasawwuf.

Nakapag guru siya Tarika An-Naqshabandiyya kan Shiekh Abdul Gafour Al-Afghani.

Nakapag guru siya Tarika Ar-Rifaa'iyyah kan Shiekh Abdur Rahman Al-Hamwi iban kan Shiekh Tahir Al-Kiyaali Al-Homsi.

Nakapag guru siya Tarika Al-Qadiriyyah kan Shiekh Ahmad Al-'Irbiyni.

Nakapag guru siya Tarika Ash-Shadhiliyyah kan Shiekh Ahmad Al-Baseer.

Dugaing pa daing ha ilmu' nasabbut yan nakapag guru da isab siya usulul fiqh, fiqh ha Madzhab hi Imam Shafi'iy, iban nakapag guru siya ilmu' Hadith amuna in kadanglay kaniya Al-Muhaddith, damikkiyan nakapag guru siya Qira'a Al-'Ashara..

In Shiekh ini hambuuk daing ha manga nama'tal sin NUR MUHAMMAD amuin siyabbut niya ha kitab niya :

رسالة في بطلان دعوى أولية النور المحمدي

Yari in kabtangan niya:

من المفاسد التي انتشرت بين بعض العوام ما درج عليه بعض قُرَّاء المولد النبوي الشريف وبعض المؤذنين وغيرهم من قولهم: "إن محمدًا أوّل المخلوقات"، وما ذاك إلا لانتشار حديث جابر الموضوع بينهم وهو: "أوَّل ما خلق الله نور نبيك يا جابر"

Dayng ha manga mafaasid "Aqeedah larak, makapiligru" amuin simaplag ha antara' sin mahadjana' amuna in magkabangkil atawa pagsabbutun sin manga magbabassa Mawlud iban sin magbabang "Adhan" ibanna sin kaibanan nila ha kabtangan nila " SABUNNAL TUUD HI MUHAMMAD PANAGNAAN PIYAPANJARI" nah in manga yadtu sabab sin simaplag ha antara' nila in Hadith mawdhu' (puting, hinang-hinang) amuin bayta' dayng kan Jabir : " IN PANAGNAAN PIYAPANJARI SIN ALLAHU TA'ALA NUR (SAHAYA) SIN NABI MU O JABIR).

Hiyukum sin Shiekh ini in Hadith bayta' dayng kan Jabir hadith mawdhu' (puting, hinang-hinang) laung niya:

نقول: هذا الحديث موضوع لا أصل له وهو مخالف للقرءان الكريم، وللحديث الصحيح الثابت.

Mamung kami: in hadith yan mawdhu' (hadith puting, hinang-hinang) way puunan niya dayng ha Rasul (saw) in yan sulang siya ha bayta' sin Qur'an Mulliya iban Hadith Sahi.

Ampa siyabbut sin Shiekh ini in dalil niya dayng ha qur'an amuin nama'tali ha hadith mawdhu' (puting, hinang-hinang), laung niya:

أما مخالفته للقرءان قال الله تعالى: {وجعلنا منَ الماءِ كلَّ شيءٍ حيٍّ} [سورة الأنبياء].

Adapun in dalil dayng ha qur'an amuin siyulang sin Hadith hi Jabir, palman sin Allahu Ta'ala: " IBAN PIYAPANJARI NAMU' DAYNG HA TUBIG IN SABARANG UNU-UNU BUHI' "

In ini hambuuk na tuud biyayta' sin Allahu Ta'ala in katan unu-unu buhi' tantu piyapanjari niya dayng ha Tubig, Alhasil, bukun bunnal in daawa sin magdadaawa Nur Muhammad in panagnaan sin katan…

Ubus ampa siyugpatan sin Allahu Ta'ala in palman niya sin:

أَفَلَا يُؤْمِنُونَ

"UNU DI' KA SILA MAGPARATSAYA??"

وأما مخالفته للحديث فقد روى البخاري [15] والبيهقي [16] من حديث عمران بن حصين أن أناسًا من أهل اليمن أتوا إلى رسول الله صلى الله عليه وسلم فقالوا: جئناك يا رسول الله لنتفقه في الدين فأنبئنا عن أول هذا الأمر ما كان؟ قال: "كان الله ولم يكن شيء غيره، وكان عرشه على الماء، وكتب في الذكر كل شيء ثم خلق السموات والأرض"، فهذا نص صريح في أنّ أول خلق الله الماء والعرش لأن أهل اليمن سألوه عن بدء العالم.

Iban in dalil dayng ha hadith sahi amuin siyulang sin hadith bayta' hi Jabir (hadith puting, hinang-hinang) amuna in bayta' dayng kan Imam Bukhari iban hi Bayhaqi dayng ha hadith hi Umran ibn Husain (r.a.) sabunnal tuud in manga tau dayng ha Yemen dimatung pa Rasul (saw) nangaru kaniya laung nila:

"Miyari kami kaymu ya Rasulullah karna' humati, umingat sin pag-agama, nah baytai kami bang unu in panagnaan sin parakala' pagpapanjari sin Allahu Ta'ala sin a-lam ini? Nagsabda in Rasul (saw): "In kaawnan sin Allahu Ta'ala ha azal wayruun hangsulag unu dugaing dayng kaniya, iban in Arash niya mahabassar ha taas (babaw) sin tubig, iban ampa niya siyulat in ha lawhil mahfudhz in katan ukulan (gantaan) sin katan unu-unu, ubus ampa niya piyapanjari in langit iban lupa'. Nah in ini dalil matampal iban masawa sin in panagnaan piyapanjari amuna in tubig iban arash sabab in manga tau dayng ha Yemen iyasubu nila in Rasul (saw) bang unu in panagnaan pagpapanjari ha a-lam.

وروى السُّدي في تفسيره بأسانيد متعددة عن جماعة من أبناء الصحابة: "إنّ الله لم يخلق شيئًا مما خلق قبل الماء". فتح الباري [6/289]

Bayta' dayng kan Sudi ha tafsir niya ha sanad (chain) mataud dayng ha kamatauran kaanakan sin Sahabat "SABUNNAL TUUD IN ALLAHU TA'ALA WAY SIYA NAGPAPANJARI UNU-UNU DAYNG HA MANGA PIYAPANJARI NAKAUNA DAYNG HA TUBIG" (Fathul Bari 6/289)

Siyabbut hi Ibn Hajar ha Fathul Bari in kabtangan hi Tiybi (Rahimahullah) ha tungud sin panagnaan pagpapanjari ha katan a-lam wayna nakauna dayng ha tubig iban Arash. (Fathul Bari 6/289).

وأخرج ابن جرير عن مجاهد رضي الله عنه في قوله: {وكانَ عرشُهُ على الماء} [سورة هود] قال: "قبل أن يخلق شيئًا". [تفسير الطبري [12/4]، والدر المنثور [4/4].

Bayta' hi Ibn Jarir at-Tabari dayng kan Mujahid (r.a.) ha palman sin Allahu Ta'ala " IN KAAWNAN SIN ARASH HA TAAS TUBIG" (Surah Hud) laung niya: "Ha waypa piyapanjari in katan unu-unu". (Tafsir at-Tabari 12/4, Dur al-Manthur 4/4).

Matampal ha manga dalil ini sin way kasabunnalan sin Nur Muhammad amuin pagdaawahun atawa piyaparatsaya sin manga Sufi iban manga Shi'ah sabab in manga dalil nila sulang ha hadith sahi iban Qur'an mulliya sarta' biyatal sin manga ulama' in pamaratsaya ini.

Siyabbut sin Shiekh ini in Hadith piyagdalil sin manga Sufi amuin nisbat nila kan Bayhaqi laung niya: in yan bukun bunnal sagawa' in kamattanan niya nisbat kan Abdurajak As-San'ani ha kitab niya Musannaf.

Hi Imam Al-Hafidh As-Suyuti biyayta' niya in Hadith hi Jabir wayruun sanad kapangamdusan kaniya. (Al-Hawi lil fatawa 1/325)

Hi Shiekh Abdullah Al-Gummari hambuuk Muhaddith sin Maghrib (Morocco) hiyukum niya hadith Mawdhu' in Hadith hi Jabir. Iban kalaungan dakula' ha pagnisbat kaniya pa Musannaf hi Imam Abdurajak As-San'ani. Sabab dih mu kabakan ha Muasannaf niya iban ha tafsir niya iban ha Jami' niya. (Murshidul Hair li bayan wadh-I hadith jabir pp 43)

Hi Shiekh Ahmad ibn Siddiq Al-Gummari hiyukum niyara isab hadith Mawdhu' in hadith hi Jabir (r.a.). (Al-Mugeer 'alal ahadeeth al mawdhu'a fi al-Jami' as-Sageer lil-Manawi pp.4)

Siyambag sin Shiekh ini in kabtangan hi Ibn Hajar Al-Haythami ha Sharh Al-Arba'eena An-Nawawiyyah ha kabtanagan hi Ibn Hajar: "Adapun in kauna sin Qalam ha pagpapanjari in yan nisbiyyah sadja adapun in kauna sin Nur Muhammad in yan Itlaq.

Laung sin Shiekh ini sambag niya ha kaul hi ibn Hajar: " In Pagta'wil yan (hatiniya pagta'wil hi Ibn Hajar) sulang ha Hadith Sahi iban sulang siya ha Qaedah sin usoolul hadith ha sabunnal tuud in hadith da'if apabila siya magsulang iban hadith sahi tantu di' na magkagunahan ta'wilan. Sagawa' hinangun na baugbugan in hadith sahi ubus hibugit in hadith da'if, amuyan in nasabbut ha kakitaban Mustalahul hadith.

In kabtangan sin Shiekh ini landu' in tampal niya iban sawa, biya' diin na baha' bang hadith mawdhu' (puting, hinang-hinang) in maguslang iban hadith Sahi..??

Ha bayta' sin jumhur ulama' sarta' amuna in matampal hakamatauran ha tungud sin Aqeedah tantu di' nila taymaun hipagdalil bang in Hadith yan hadith Aahad misan pa siya Sahi.

Hambuuk makainu-inu hakaguruhan nakapangadji' ha guwa' hula' in sulangun nila in qawaeed ini amuin putun nila in hadith hiyukum mawdhu' sin manga ulama' gaggil ha ilmu' hadith.

Adakala' magkabtangan sila sin bihaini:" In parakala' yan giyatusan tahunna piyaghilapan sin manga ulama' dakula'".

In sambag kanila:" In timindug namaugbug ha mas-ala yan amuna hi Ibn Hajar Al-Haythami iban hi An-Nabhani iban sin kaibanan Sufi biya' kanda Ibn Arabi iban hi Abdulkareem Aljiyli, nah hi Ibn hajar hambuuk siya timundan ha papanaw hi Imam Shafii ha ilmu' fiqh, nah subay taniyu tumtumun in kabtangan hi Imam Shafii laung niya: Apabila magsulang in papapanw ku iban hadith Sahi kawaa niyu in Hadith Sahi amuna yan in Madzhab papanaw ku atawa kaput ku… ha hambuuk bayta' laung niya: daplakan niyu pa dingding in kaul ku kawaa niyu in hadith sin Rasul (saw).

In ini ha mas-ala fiqh… biyah diin na bang mas-ala aqeedah..? hisiyu bahah kitaniyu labi in ingat dayng kan Imam Shafii…??

Yari isab in manga Ulama’ sin sufi’s amuin namaytah sin bukun bunnal in Nur Muhammad atawa hakikat Muhammadiyyah.

(1)-Naasubu hi Dr. Muhammad Sa’ed Ramadan Al-Bouti:

ذكر لنا إمام المسجد أن الله قد خلق النبي صلي الله عليه وسلم من نوره، وليس من الطين كسائر البشر، فهل هذا قول صحيح؟.

Siyabbut kamu sin hambuuk Imam ha Masjid ha sabunnal tuud in Allahu Ta’ala piyapanjari niya hi Muhammad (saw) dain ha Nur (sahaya) niya, bukun siya piyapanjari dain ha lupah biyah sin katan manusiyah, unu ini bunnal?

فأجاب : بل هو كسائر البشر خلق مما خلق منه أبونا آدم. ولكن هذا لا يعني أنه في مستوى سائر البشر بل نقول عنه: محمد بشر وليس كالبشر بل هو ياقوتة والناس كالحجر.

In Jawab niya: Nah in siya (Muhammad (saw) piyapanjari siya sin Allahu Ta’ala dain ha lupah biyah sin pagpapanjari kan Apuh natuh Adam, sagawah bukun in Hatiniya in siya (Muhammad (saw) sumibuh ha darajat (martabbat) sin katan manusiyah, sah mamung kitaniyu ha tungud kaniya: hi Muhammad hambuuk manusiyah sah biddah dain ha manga manusiyah, in Nabi Muhammad (saw) in siya hambuuk palmata ampa in manusiyah batu pasil-pasil.

(2)- Shiekh Abdullah Al-gummariy ha Risalah niya [Murshidul Haair libayani hadithi Jabir]; Tiyantu sin Shiekh ini in magparatsaya ha Nur Muhammad amuin biyah sin pamaratsaya sin kaibanan Sufiyyah hambuuk dusa salagguh-lagguh iban hambuuk panghimuting pa Rasul (saw), iban biyaytah niya in hadith amuin piyagdalil sin manga sufi’s hadith Mawdhu’ (hinang-hinang).

(3)- Shiekh Abdullah ibn Ahmad Basudan (hambuuk Shiekh sin Sufi ha Hadramaut Yemen) ha Kitab niya [Hadaikul Arwah Vol. 1 page 323], Ubus niya mayan siyabbut in hadith riwayat dain kan Jabir amuin piyagdalil sin kaibanan Sufi’s in Nur Muhammad amuna in puunan sin kanyawa-nyawahan iban sin katan manusiyah, laung niya: “In ini hambuuk puunan (sin aqeedah) larak, makainu-inu ha tau taga akkal in hikapamung niya in bihaini, bang upama bunnal in kabtangan yan nah in Yahudi (Jews) iban nasara (Christian) iban sin katan Agama kupur in sila katan dain ha puunan sin Rasul (saw).

By Abu Mardiya As-Salafiy (TL)

in Nur Muhammad biya'tal sin manga Ulama' Sufi's

Assalamu Ala manittabaal Huda

Hi Shiekh Al-Allamah Abu Abdur Rahman Abdullah ibn Muhammad ibn Yusof ibn Abdullah ibn Jami' al-Harari hambuuk Shiekh dakulah sin ilmu' Tasawwuf.

Nakapag guru siya Tarika An-Naqshabandiyya kan Shiekh Abdul Gafour Al-Afghani.

Nakapag guru siya Tarika Ar-Rifaa'iyyah kan Shiekh Abdur Rahman Al-Hamwi iban kan Shiekh Tahir Al-Kiyaali Al-Homsi.

Nakapag guru siya Tarika Al-Qadiriyyah kan Shiekh Ahmad Al-'Irbiyni.

Nakapag guru siya Tarika Ash-Shadhiliyyah kan Shiekh Ahmad Al-Baseer.

Dugaing pa daing ha ilmu' nasabbut yan nakapag guru da isab siya usulul fiqh, fiqh ha Madzhab hi Imam Shafi'iy, iban nakapag guru siya ilmu' Hadith amuna in kadanglay kaniya Al-Muhaddith, damikkiyan nakapag guru siya Qira'a Al-'Ashara..

In Shiekh ini hambuuk daing ha manga nama'tal sin NUR MUHAMMAD amuin siyabbut niya ha kitab niya :

رسالة في بطلان دعوى أولية النور المحمدي

Yari in kabtangan niya:

من المفاسد التي انتشرت بين بعض العوام ما درج عليه بعض قُرَّاء المولد النبوي الشريف وبعض المؤذنين وغيرهم من قولهم: "إن محمدًا أوّل المخلوقات"، وما ذاك إلا لانتشار حديث جابر الموضوع بينهم وهو: "أوَّل ما خلق الله نور نبيك يا جابر"

Dayng ha manga mafaasid "Aqeedah larak, makapiligru" amuin simaplag ha antara' sin mahadjana' amuna in magkabangkil atawa pagsabbutun sin manga magbabassa Mawlud iban sin magbabang "Adhan" ibanna sin kaibanan nila ha kabtangan nila " SABUNNAL TUUD HI MUHAMMAD PANAGNAAN PIYAPANJARI" nah in manga yadtu sabab sin simaplag ha antara' nila in Hadith mawdhu' (puting, hinang-hinang) amuin bayta' dayng kan Jabir : " IN PANAGNAAN PIYAPANJARI SIN ALLAHU TA'ALA NUR (SAHAYA) SIN NABI MU O JABIR).

Hiyukum sin Shiekh ini in Hadith bayta' dayng kan Jabir hadith mawdhu' (puting, hinang-hinang) laung niya:

نقول: هذا الحديث موضوع لا أصل له وهو مخالف للقرءان الكريم، وللحديث الصحيح الثابت.

Mamung kami: in hadith yan mawdhu' (hadith puting, hinang-hinang) way puunan niya dayng ha Rasul (saw) in yan sulang siya ha bayta' sin Qur'an Mulliya iban Hadith Sahi.

Ampa siyabbut sin Shiekh ini in dalil niya dayng ha qur'an amuin nama'tali ha hadith mawdhu' (puting, hinang-hinang), laung niya:

أما مخالفته للقرءان قال الله تعالى: {وجعلنا منَ الماءِ كلَّ شيءٍ حيٍّ} [سورة الأنبياء].

Adapun in dalil dayng ha qur'an amuin siyulang sin Hadith hi Jabir, palman sin Allahu Ta'ala: " IBAN PIYAPANJARI NAMU' DAYNG HA TUBIG IN SABARANG UNU-UNU BUHI' "

In ini hambuuk na tuud biyayta' sin Allahu Ta'ala in katan unu-unu buhi' tantu piyapanjari niya dayng ha Tubig, Alhasil, bukun bunnal in daawa sin magdadaawa Nur Muhammad in panagnaan sin katan…

Ubus ampa siyugpatan sin Allahu Ta'ala in palman niya sin:

أَفَلَا يُؤْمِنُونَ

"UNU DI' KA SILA MAGPARATSAYA??"

وأما مخالفته للحديث فقد روى البخاري [15] والبيهقي [16] من حديث عمران بن حصين أن أناسًا من أهل اليمن أتوا إلى رسول الله صلى الله عليه وسلم فقالوا: جئناك يا رسول الله لنتفقه في الدين فأنبئنا عن أول هذا الأمر ما كان؟ قال: "كان الله ولم يكن شيء غيره، وكان عرشه على الماء، وكتب في الذكر كل شيء ثم خلق السموات والأرض"، فهذا نص صريح في أنّ أول خلق الله الماء والعرش لأن أهل اليمن سألوه عن بدء العالم.

Iban in dalil dayng ha hadith sahi amuin siyulang sin hadith bayta' hi Jabir (hadith puting, hinang-hinang) amuna in bayta' dayng kan Imam Bukhari iban hi Bayhaqi dayng ha hadith hi Umran ibn Husain (r.a.) sabunnal tuud in manga tau dayng ha Yemen dimatung pa Rasul (saw) nangaru kaniya laung nila:

"Miyari kami kaymu ya Rasulullah karna' humati, umingat sin pag-agama, nah baytai kami bang unu in panagnaan sin parakala' pagpapanjari sin Allahu Ta'ala sin a-lam ini? Nagsabda in Rasul (saw): "In kaawnan sin Allahu Ta'ala ha azal wayruun hangsulag unu dugaing dayng kaniya, iban in Arash niya mahabassar ha taas (babaw) sin tubig, iban ampa niya siyulat in ha lawhil mahfudhz in katan ukulan (gantaan) sin katan unu-unu, ubus ampa niya piyapanjari in langit iban lupa'. Nah in ini dalil matampal iban masawa sin in panagnaan piyapanjari amuna in tubig iban arash sabab in manga tau dayng ha Yemen iyasubu nila in Rasul (saw) bang unu in panagnaan pagpapanjari ha a-lam.

وروى السُّدي في تفسيره بأسانيد متعددة عن جماعة من أبناء الصحابة: "إنّ الله لم يخلق شيئًا مما خلق قبل الماء". فتح الباري [6/289]

Bayta' dayng kan Sudi ha tafsir niya ha sanad (chain) mataud dayng ha kamatauran kaanakan sin Sahabat "SABUNNAL TUUD IN ALLAHU TA'ALA WAY SIYA NAGPAPANJARI UNU-UNU DAYNG HA MANGA PIYAPANJARI NAKAUNA DAYNG HA TUBIG" (Fathul Bari 6/289)

Siyabbut hi Ibn Hajar ha Fathul Bari in kabtangan hi Tiybi (Rahimahullah) ha tungud sin panagnaan pagpapanjari ha katan a-lam wayna nakauna dayng ha tubig iban Arash. (Fathul Bari 6/289).

وأخرج ابن جرير عن مجاهد رضي الله عنه في قوله: {وكانَ عرشُهُ على الماء} [سورة هود] قال: "قبل أن يخلق شيئًا". [تفسير الطبري [12/4]، والدر المنثور [4/4].

Bayta' hi Ibn Jarir at-Tabari dayng kan Mujahid (r.a.) ha palman sin Allahu Ta'ala " IN KAAWNAN SIN ARASH HA TAAS TUBIG" (Surah Hud) laung niya: "Ha waypa piyapanjari in katan unu-unu". (Tafsir at-Tabari 12/4, Dur al-Manthur 4/4).

Matampal ha manga dalil ini sin way kasabunnalan sin Nur Muhammad amuin pagdaawahun atawa piyaparatsaya sin manga Sufi iban manga Shi'ah sabab in manga dalil nila sulang ha hadith sahi iban Qur'an mulliya sarta' biyatal sin manga ulama' in pamaratsaya ini.

Siyabbut sin Shiekh ini in Hadith piyagdalil sin manga Sufi amuin nisbat nila kan Bayhaqi laung niya: in yan bukun bunnal sagawa' in kamattanan niya nisbat kan Abdurajak As-San'ani ha kitab niya Musannaf.

Hi Imam Al-Hafidh As-Suyuti biyayta' niya in Hadith hi Jabir wayruun sanad kapangamdusan kaniya. (Al-Hawi lil fatawa 1/325)

Hi Shiekh Abdullah Al-Gummari hambuuk Muhaddith sin Maghrib (Morocco) hiyukum niya hadith Mawdhu' in Hadith hi Jabir. Iban kalaungan dakula' ha pagnisbat kaniya pa Musannaf hi Imam Abdurajak As-San'ani. Sabab dih mu kabakan ha Muasannaf niya iban ha tafsir niya iban ha Jami' niya. (Murshidul Hair li bayan wadh-I hadith jabir pp 43)

Hi Shiekh Ahmad ibn Siddiq Al-Gummari hiyukum niyara isab hadith Mawdhu' in hadith hi Jabir (r.a.). (Al-Mugeer 'alal ahadeeth al mawdhu'a fi al-Jami' as-Sageer lil-Manawi pp.4)

Siyambag sin Shiekh ini in kabtangan hi Ibn Hajar Al-Haythami ha Sharh Al-Arba'eena An-Nawawiyyah ha kabtanagan hi Ibn Hajar: "Adapun in kauna sin Qalam ha pagpapanjari in yan nisbiyyah sadja adapun in kauna sin Nur Muhammad in yan Itlaq.

Laung sin Shiekh ini sambag niya ha kaul hi ibn Hajar: " In Pagta'wil yan (hatiniya pagta'wil hi Ibn Hajar) sulang ha Hadith Sahi iban sulang siya ha Qaedah sin usoolul hadith ha sabunnal tuud in hadith da'if apabila siya magsulang iban hadith sahi tantu di' na magkagunahan ta'wilan. Sagawa' hinangun na baugbugan in hadith sahi ubus hibugit in hadith da'if, amuyan in nasabbut ha kakitaban Mustalahul hadith.

In kabtangan sin Shiekh ini landu' in tampal niya iban sawa, biya' diin na baha' bang hadith mawdhu' (puting, hinang-hinang) in maguslang iban hadith Sahi..??

Ha bayta' sin jumhur ulama' sarta' amuna in matampal hakamatauran ha tungud sin Aqeedah tantu di' nila taymaun hipagdalil bang in Hadith yan hadith Aahad misan pa siya Sahi.

Hambuuk makainu-inu hakaguruhan nakapangadji' ha guwa' hula' in sulangun nila in qawaeed ini amuin putun nila in hadith hiyukum mawdhu' sin manga ulama' gaggil ha ilmu' hadith.

Adakala' magkabtangan sila sin bihaini:" In parakala' yan giyatusan tahunna piyaghilapan sin manga ulama' dakula'".

In sambag kanila:" In timindug namaugbug ha mas-ala yan amuna hi Ibn Hajar Al-Haythami iban hi An-Nabhani iban sin kaibanan Sufi biya' kanda Ibn Arabi iban hi Abdulkareem Aljiyli, nah hi Ibn hajar hambuuk siya timundan ha papanaw hi Imam Shafii ha ilmu' fiqh, nah subay taniyu tumtumun in kabtangan hi Imam Shafii laung niya: Apabila magsulang in papapanw ku iban hadith Sahi kawaa niyu in Hadith Sahi amuna yan in Madzhab papanaw ku atawa kaput ku… ha hambuuk bayta' laung niya: daplakan niyu pa dingding in kaul ku kawaa niyu in hadith sin Rasul (saw).

In ini ha mas-ala fiqh… biyah diin na bang mas-ala aqeedah..? hisiyu bahah kitaniyu labi in ingat dayng kan Imam Shafii…??

Yari isab in manga Ulama’ sin sufi’s amuin namaytah sin bukun bunnal in Nur Muhammad atawa hakikat Muhammadiyyah.

(1)-Naasubu hi Dr. Muhammad Sa’ed Ramadan Al-Bouti:

Siyabbut kamu sin hambuuk Imam ha Masjid ha sabunnal tuud in Allahu Ta’ala piyapanjari niya hi Muhammad (saw) dain ha Nur (sahaya) niya, bukun siya piyapanjari dain ha lupah biyah sin katan manusiyah, unu ini bunnal?

In Jawab niya: Nah in siya (Muhammad (saw) piyapanjari siya sin Allahu Ta’ala dain ha lupah biyah sin pagpapanjari kan Apuh natuh Adam, sagawah bukun in Hatiniya in siya (Muhammad (saw) sumibuh ha darajat (martabbat) sin katan manusiyah, sah mamung kitaniyu ha tungud kaniya: hi Muhammad hambuuk manusiyah sah biddah dain ha manga manusiyah, in Nabi Muhammad (saw) in siya hambuuk palmata ampa in manusiyah batu pasil-pasil.

(2)- Shiekh Abdullah Al-gummariy ha Risalah niya [Murshidul Haair libayani hadithi Jabir]; Tiyantu sin Shiekh ini in magparatsaya ha Nur Muhammad amuin biyah sin pamaratsaya sin kaibanan Sufiyyah hambuuk dusa salagguh-lagguh iban hambuuk panghimuting pa Rasul (saw), iban biyaytah niya in hadith amuin piyagdalil sin manga sufi’s hadith Mawdhu’ (hinang-hinang).

(3)- Shiekh Abdullah ibn Ahmad Basudan (hambuuk Shiekh sin Sufi ha Hadramaut Yemen) ha Kitab niya [Hadaikul Arwah Vol. 1 page 323], Ubus niya mayan siyabbut in hadith riwayat dain kan Jabir amuin piyagdalil sin kaibanan Sufi’s in Nur Muhammad amuna in puunan sin kanyawa-nyawahan iban sin katan manusiyah, laung niya: “In ini hambuuk puunan (sin aqeedah) larak, makainu-inu ha tau taga akkal in hikapamung niya in bihaini, bang upama bunnal in kabtangan yan nah in Yahudi (Jews) iban nasara (Christian) iban sin katan Agama kupur in sila katan dain ha puunan sin Rasul (saw).

فأجاب : بل هو كسائر البشر خلق مما خلق منه أبونا آدم. ولكن هذا لا يعني أنه في مستوى سائر البشر بل نقول عنه: محمد بشر وليس كالبشر بل هو ياقوتة والناس كالحجر.ذكر لنا إمام المسجد أن الله قد خلق النبي صلي الله عليه وسلم من نوره، وليس من الطين كسائر البشر، فهل هذا قول صحيح؟.

Kamattanan sin Nur Muhammad iban Pagpapanjari sin Allahu Ta'ala ha katan makhluk ha pamaham sin Asha'erah

·         By Abu Mardiya As-Salafiy (TL) 

Biyah biyayaan aku simibsib pa TN sakali in kiyakitaan ku amuna in pakaniya-pakaniya nagpost pasalan sin Nur Muhammad, awn na nagdeny awn na isab namunnal.

In parakalah sin Nur Muhammad (saw) hambuuk aqeedah piyaratsaya sin manga Muslimin ha pakaniya-pakaniya pamaham sah dihna lumiyu dain ha duwa pamaham ini:

TUMPUKAN PANAGNAAN:

(1)- Bang duunun ha kaibanan in Nur Muhammad amuna in piyangsutan sin katan Makhluk (piyapanjari). Ngiyanan sin manga Sufi's HAKIKAT MUHAMMADIYYAH biyah na sin nasabbut hi Abdul kareem Al-jiylie ha kitab niya Al-Insanul Kamil (Bab tasi'a wal khamsun pp 195) iban sin kaibanan Sufi's. Ha pamaham nila in Nur Muhammad atawa Hakikat Muhammadiyya piyapanjari dain ha Jat sin Allahu Ta'ala.

In pamaham ini piyakusug nila sin hambuuk hadith amuin baytah dain kan Jabir (r.a.):

قال رسول الله صلى الله عليه وسلم: "أوّل ما خلق الله تعالى نور نبيك يا جابر، خلقه الله من نوره قبل الأشياء".

Sabda sin Rasul (saw): " IN PANAGNAAN PIYAPANJARI SIN ALLAHU TA'ALA AMUNA IN NUR (SAHAYA) SIN NABI MU O JABIR, PIYAPANJARI SIN ALLAHU TA'ALA DAING HA SAHAYA NIYA NAKAUNA DAIN HA KATAN UNU-UNU"

iban sin kaibanan hadith sahi biyah sin hadith sin Rasul (saw):

"كنت نبيًا وآدم بين الروح والجسد"،

صحيح رواه أحمد في مسنده [32]، وقال الحافظ الهيثمي [33] بعد عزوه لأحمد وللطبراني [34] أيضًا ما نصه: "ورجاله رجال الصحيح" ا.هـ.

"IN KAAWNAN KU NABI NA HA HAL HI ADAM HA PAL-ANTARAAN PA SIN NYAWA IBAN JASAD"

in tumpukan panagnaan ini tiyantu nila tuud in Nur Muhammad piyapanjari dain ha Sahaya sin Allahu Ta'ala iban nagsibuh in pamaham (aqeedah nila) iban sin manga Shi'ah, hakasabunnalan sin aqeedah ini guwah tuud dain ha manga Shi'ah (Rafidha): yari in kaul sin manga Shi'ah.

NUR MUHAMMAD HA PAMAHAM SIN SHE’AH:

Bang taniyu bassahun in kitab sin manga She’ah sila in puunan piyangsutan sin pangadjih Nur Muhammad, sakali nalukat kanila sin manga Sufi’s sampay kiyalukis hakakitab kitaban nila sartah limamin pakaibanan ulama’ amuin nag gugulal Ahlus Sunnah ha wayruun nila napariksah marayaw sin bukun bunnal in pamaham ini.

Nasabbut ha Kitab sin manga She’ah in Hadith tungud pa Nur Muhammad laung nila:

عن علي (عليه السلام) :(( إن الله تبارك وتعالى خلق نور محمد (صلى الله عليه وآله) قبل أن خلق السماوات والأرض والعرش والكرسي واللوح والقلم والجنة والنار وقبل أن خلق آدم ونوحاً وإبراهيم وإسماعيل وإسحاق ويعقوب وموسى وعيسى... وخلق الله عز وجل معه اثني عشر حجاباً: حجاب القدرة ، وحجاب العظمة ، وحجاب المنة ، وحجاب الرحمة ، وحجاب السعادة وحجاب الكرامة ، وحجاب المنزلة ، وحجاب الهداية ، وحجاب النبوة ، وحجاب الرفعة ، وحجاب الهيبة ، وحجاب الشفاعة. ثم حبس نور محمد (صلى الله عليه وآله) في حجاب القدرة اثني عشر ألف سنة وهو يقول: سبحان ربي الأعلى ، وفي حجاب العظمة أحد عشر ألف سنة وهو يقول: سبحان عالم السر ، وفي حجاب المنة عشرة آلاف سنة وهو يقول: سبحان من هو قائم لا يلهو..الخ. )). معاني الأخبار/306.

Daing kan Ali (Alayhis salam): Sabunnal tuud in Allahu Tabaraka wa Ta’ala piyapanjari niya in Nur Muhammad (saw) ha walah pa napapanjari niya in pitung lapis langit iban lupah, iban Arash, Kursi, Lawhil Mahfudhz, Qalam, Surgah iban Narkah, iban ha walah pa piyapanjari niya hi Adam, Nuh, Ibrahim, Ismael, Ishak, Ya’kub, Musa iban hi Eisa… iban piyapanjari sin Allahu Ta’ala sartah sin Nur Muhammad in hangpuh tagduwa hijab (taming): Hijabul qudrah, hijabul ‘adhzamah, hijabul minnah, hijabul rahmah, hijabus sa’adah, hijabul karamah, hijabul manzilah, hijabul hidayah, hijabun nubuwwah, hijabur raf-ah, hijabul haybah iban hijabus shafa’ah. Ubus ampa niya tiyahalah in Nur Muhammad halaum sin hijabul qudrah hangpuh tagduwa ngaibu tahun nananasbi sin “سبحان ربي الأعلى “ Mahasutsi in Tuhan ku Tuhan sataas-taas, damikkiyan natahalah halaum sin hijabul ‘Adhzamah hangpuh tag-isa ngaibu tahun nananasbi sin lapal سبحان عالم السر “Mahasutsi in Tuhan sangat makahati sin rahasiyah”iban halaum sin hijabul minnah hangpuh ngaibu tahun nananasbi sin lapal سبحان من هو قائم لا يلهو..الخ Mahasutsi in Tuhan amuin kakkal dih magpakahinang sallah…. (Ma’ani Al-Akhbar page: 306).

ففي الكافي:1/442:(( قال لي أبو جعفر (عليه السلام) : يا جابر إن الله أول ما خلق خلق محمداً وعترته الهداة المهتدين ، فكانوا أشباح نور بين يدي الله . قلت: وما الأشباح ؟ قال: ظل النور ، أبدان نورانية بلا أرواح..........

Siyabbut ha Kitab (Al-Kafi 1/442) “Agi kakuh hi Abu Ja’afar (a.s): O Jabir, sabunnal tuud in panagnaan piyapanjari sin Allahu Ta’ala amuna in Muhammad iban sin Anak apuh niya (Alhudaat al-muhtadeen), in kaawnan nila Ashbah sin sahaya ha hadarat sin Allahu Ta’ala, nangasubu aku: Unu in Ashbah? Sambag niya: lambung sin sahaya, Abdan nuraniyya (manga ginhawa dain ha sahaya) wayruun nyawalihan nila…..

Hi Shiekh Ali Al-kouraniy Al-Amiliy (Shiekh sin She’ah) tiyantu niya ha aqeedah sin She’ah ha sabunnal tuud in katan A-lam piyapanjari dain ha Nur Muhammad, laung niya:

لايمكن لأحد أن ينفي أن الله تعالى بِدأ خلق الكون بنور محمد (صلى الله عليه وآله(

Way tuud dapat sin hangkatau in napihan (payluhan) niya ha sabunnal in Allahu Ta’ala tiyagnaan niya piyapanjari in A-lam dain ha Nur Muhammad (saw).

Piyagdalil pa sin manga She’ah in hambuuk hadith amuin nasabbut ha Musnad hi Imam Ahmad.

كنت أنا وعلي نوراً بين يدي الله تعالى قبل أن يخلق آدم بأربعة عشر ألف عام فلمّا خلق الله آدم قسّم ذلك النور جزأين فجزء أنا وجزء علي) أخرجه أحمد في المسند : 5/143 .

Sabda sin Rasul (saw) “In kaawnan ku iban hi Alih ibn Abi Talib hambuuk sahaya ha hadarat sin Allahu Ta’ala ha walah pa piyapanjari in Adam lugay hangpuh tag-upat ngaibu tahun, hatatkalah piyapanjari mayan sin Allahu Ta’ala in Adam biyahagih niya magduwa in sahaya, in hangkabahagih amuna in aku, in hangkabahagih amuna in Alih” (Musnad Ahmad 5/143)

In hadith piyagdalil nila amuin nasabbut ha Musnad hi Imam Ahmad bukun ini dain ha riwayat hi Imam Ahmad sah hadith hinang-hinang sin hambuuk She’ah (Rafidah) ampa niya biyutang pa laum sin Musnad hi Imam Ahmad karnah hipanglaug niya ha manga Ahlus Sunnah..

Nasabbut ha Kitabul Fadhail kan Imam Ahmad (Vol.2 page 662, umbul sin hadith 1130) in hadith ini riwayat dain kan AL-HASAN, dain kan Ahmad ibn Al-miqdam Al-‘Ajaliy dain kan Fudhail ibn ‘Iyaad dain kan Thaur ibn Yazid dain kan Khalid ibn Ma’adan dain kan Zadhan dain kan Salman laung niya; diyungug ku in kakasi ku Rasulullah (saw) nagsabda: (ubus ampa siyabbut in hadith biyah sin hataas yan)

Hi AL-HASAN Siyana hi Hasan ibn Ali ibn Salih ibn Zakariyyah Al-Basri, Abu Sa’id Al-‘Adawiy.. hambuuk She’ah (Rafidah) maghihinang-hinang hadith puting, in manga hadith piyagkariwayat niya nasabbut halaum Musnad hadith umbul [1130, 1131, 1132, 1133, 1134]

hi IBN ‘ASAAKIR siyabbut niyara isab in hadith ini ha kitab niya (Tarikh Dimasq 42/67) biyah da sin sanad (chain) dain ha riwayat hi Abu Sa’id Al-‘Adawiy Hasan ibn Ali amuin hambuuk She’ah (Rafidah) nagriwayat ha Musnad hi Imam Ahmad.

Damikkiyan hi AL-MAGHAZILIY ha Kitab niya (Al-Manaqib page 87)

Hi AKHTAB AL-KHAWARIZIMIY ha Kitab niya (Al-Manaqib page: 145)

In katan ini biyaytah nila in sanad (chain) sin hadith guwah dain kan Hasan ibn Ali ibn Salih ibn Zakariyyah Al-Basri, hambuuk She’ah (Rafidiy).

HIMUMUNGAN SIN MANGA MUHADDISOUN (MANGA ULAMA’ MAPANTUK HA HADITH) TUNGUD KAN Hasan ibn Ali ibn Salih ibn Zakariyyah Al-Basri, Al-Rafidiy.

Laung hi Ibn ‘Adiy ha (Al-Kamil Vol.3 page 195) “hi Hasan ibn Ali maghihinang hinang hadith puting, kawaun (singuran niya in hadith) ampa niya pindahan in sanad sin hadith ha manga tau dih kakilahan… awn pa manga hadith tungud pa ahlul bayt hinang hinang niya..

Laung hi Ibn Hibban ha (Al-Majruhiin Vol.1 page 292) “ Tau Basra naghuhulah ha Baghdad, magriwayat siya hadith ha manga Shiekh amuin way niya misan kitah ) kiyasakupan), iban hinang hinangan niya hadith puting in manga Shiekh piyagbak niya…. Kiyasakupan ku in kakahinang niya mataud hadith hinang hinang niya amuin biyaytah niya riwayat kunuh sin manga ulama’ kapangandulan kulang labi hang-ibu (1000) hadith in hinang-hinang niya…

وقال الدارقطني : سمعت أبا محمد البصري يقول : أصله بصري سكن بغداد ، كذَّاب على رسول الله صلى الله عليه وسلَّم ، يقول على رسول الله صلى الله عليه وسلَّم ما لم يقل.

Laung hi Dar Alqutni: diyungug ku hi Aba Muhammad Al-Basriy namung; in kariasali niya tau Basra nakapaghulah ha Baghdad. Nanghihimuting ha Rasulullah (saw), maghinang-hinang siya Hadith sin way misan kiyapaghadith sin Rasul (saw).

In hadith amuin nasabbut ha Musnad hi Imam Ahmad kabakan mura isab ha Kitab sin manga She’ah biyah sin Bihar Al-Anwar (40/18 - 18/40) Al-Mustarshid fi Imamati Amiril Mu’minin (page 629) Al-Kharaij wal Jaraij (2/838)

PANGASUBU:

maytah in hadith ini bang laung niyu puting (hinang hinang) nasabbut ha Musnad hi Imam Ahmad ha Fadailus Sahabah?

SAMBUNG:

Huun, hi Imam Ahmad ibn Hanbal nasabbut niya ha Fadailus Sahabah in kalabbiyan hi Abu Bakr, Umar, Uthman iban hi Ali ibn Abi Talib, sah hi Imam Ahmad kiyawah niya in kahadis hadisan ha manga kaguruhan niya amuin kapangandulan, sibuh da in hadith yaun Sahi atawa Daif (malamma), ha waktu mayan siya nawapat giyanapan sin anak niya in manga hadith riwayat ha manga kaguruhan niya, sakali pag-ubus sin anak niya giyanapan isab hi Abu Bakr Al-Muti’iy in kahadis hadisan labi lubah na hakalabbiyan hi Ali, sah in katan giyanap hi Al-Muti’iy kiyawah niya ha riwayat sin manga maghihinang hinang hadith, hangkan in manga Rafidah (She’ah) iban sin manga Tau awam in pangannal nila in katan hadis halaum sin Musnad riwayat katan hi Imam Ahmad (Rahimahullah). (Minhajus Sunnah An-Nabawiyyah (5/23 - 7/97 – 7/399).

NUR MUHAMMAD HA PAMAHAM SIN SUFI’s:

Yari in manga Ulama’ sin sufi’s amuin nanantuhi sin bunnal in Nur Muhammad (saw) atawa hakikat Muhammadiyyah.

(1)-Siyabbut hi Abdulkareem Al-Jiyli ha Kitab niya [Al-Insanul Kaamil fi ma’rifat Al-Awaail wal Awaakhir ha bab At-Tasi’ wal khamsoun (59) page 194] In Hakikat Muhammadiyyah piyapanjari sin Allahu Ta’ala dain ha hakikat sin Asma’ iban sifat niya, damikkiyan in ginhawa hi Muhammad dain ha jat sin Allahu Ta’ala.

(2)-Laung hi Kashanie ha Kitab niya [Mu’jam Istilahat As-Sufiyyah Bab Saad page 158]: in Ma’ana sin kaul sin Sufi [صورة الحق ] Siyana hi Muhammad (saw) sabab sin timahakkuk (nagmattan) duun kaniya in hakikat Ahadiyya iban wahidiyyah.

(3)- Siyabbut hi Ali Al-Habashiy ha Kitab niya [Kunouj As-Sa’ada Al-Abadiyyah page 144] laung niya: Hasamantarah in gaus (kusug) sin manusiyah dih makadawhat kumitah (mandang) ha Jat sin Allahu Ta’ala nah in lambung (hantang) niya (Hatiniya Jat sin Allahu Ta’ala) duun ha Jat hi Muhammad, nah in Jat Muhammadiyyah lambung (hantang) sin Jat Ahadiyyah.

Damikkiyan siyabbut hinda:

(4)-Ibn Arabi ha Kitab niya [Futuhat Al-Makkiyah 1/119)

(5)-Abulhasan ibn Abdullah Albakriy [Al-Anwar wa Misbahus Suruor wal- Afkar page 4]

(6)-Ahmad Rida Al-Barlawiy [Risalah Salatus Safa 1/33]

(7)-Muhammad Uthman Abduho Al-Burhaniy [Tabriatu Ad-Dhimmah page 9]

TUMPUKAN HIKA DUWA:

(2)- bang duunun ha kaibanan ulama' in Nur Muhammad way kasabunnalan niya sabab way kabakan mu hadith sahi namaytah sin awn Nur Muhammad amuin piyangsutan sin katan. Sagawah awn hadith nasabbut iban sin kaayat-ayatan in yadtu magma'ana in siya sahaya panduh pakatan biyah na sin nasabbut halaum Qur'an Mulliya:

( قَدْ جَاءكُم مِّنَ اللّهِ نُورٌ وَكِتَابٌ مُّبِينٌ ) (15) سورة المائدة

"SABUNNAL TUUD DIMATUNG NA MAUN KANIYU IN NUR (SAHAYA) IBAN SIN KITAB LANDUH IN TARRANG NIYA" (Surah Al-Maedah: 15)

In ma'ana sin Nur dain di amuna in Nabi Muhammad (saw), adapun in kitab amuna in Qur'an Mulliya. (Tafsir Baghawi 3/33), (Tafsir Qurtubiy 6?118)

In ayat ini bukun matup hipagdalil ha parakalah Nur Muhammad amuin pamaratsaya sin manga Sufi's iban sin kaibanan nag gugulal Ahlus sunnah wal Jama'ah, sabab in ayat ini timurun pa manga ahlul kitab (Yahudi iban Nasarah) namaytah kanila sin nagpara in Allahu Ta'ala hambuuk Rasul amuin magpatarrang kanila sin sarah amuin tiyatapuk nila..ampa in parakalah Nur Muhammad pagbahasahun amuna in awwal kapapanjari sin katan, nah tantu dihna sadja mag-atap in dalil iban sin piyagdalilan.

Siyambungan sin manga ulama' tumpukan hika duwa in dalil sin manga ulama' ha tumpukan panagnaan. Laung nila: in hadith piyagdalil niyu amuin hadith hi Jabir (r.a.) in yan hadith mawdhu' (hinang-hinang) iban dih mu kabakan ha Kitab Musannaf hi Abdurajak iban ha tafsir niya iban sin katan kitab biyaktul niya. Sumagawah in yan hambuuk hadith biyutang sin manga Rafidha sakali nalukat kanila sin manga sufi's sampay naglatag haka kitab kitaban sin manga ulama' ahlus sunnah.

Bang mu dung-dungan in hadith amuin riwayat kan Jabir (r.a.) landuh tuud awn pagsulangan niya iban landuh makapiligru ha aqeedah.

"خلقه الله من نوره قبل الأشياء"

bang in Ha' dameer ha (نوره) magma'ana siya in sahaya (Nur Muhammad) piyapanjari dain ha sahaya sin Allahu Ta'ala tantu awn sahaya nakauna dain ha Nur Muhammad..!! bang isab ma'anahan in siya Idhafatul juz-i lil kull hatiniya tantu labi in kapiligruhan ha aqeedah sabab magma'ana siya in Nur Muhammad hambuuk tingian sin Jat sin Allahu Ta'ala, nah mangdahi na pa aqeedah in Allahu Ta'ala nasususun dain ha tingian..! nah amuna ini in salagguh-lagguh kakupuran..

Ampa in hadith hikaduwa tantu bukun matup hipag dalil ha parakalah Nur Muhammad amuin siya in panagnaan sin katan piyapanjari, sabab in ma'ana sin Hadith yan amuini:

وأمّا معناه فلا يدلّ على أوّليّته صلى الله عليه وسلم بالنسبة لجميع الخلق، وإنما يدل على أن الرسول كان مشهورًا بوصف الرسالة بين الملائكة في الوقتِ الذي لم يتم تكوُّنُ جسدِ ءادم بدخولِ الروح فيه.

Adapun in ma'ana niya dih manunjuki pa ka awwal sin Nabi Muhammad (saw) bang hinisbat pa katan makhluk, sagawah, manunjuki ha bunnal tuud in Rasul (saw) in siya tanug ha manga malaikat sin in siya nagsisipat sin pagkarasul ha waktu waypa nasampurnah in pagkatao hi Adam.

Bang upama hibutang ta sahi in Hadith hi Jabir (r.a.) nah in yan sulang ha hadith sahi;

وروى ابن حبان [17] وصححه من حديث أبي هريرة قال: قلت: يا رسول الله إني إذا رأيتك طابت نفسي وقرّت عيني فأنبئني عن كل شيء، قال: "كل شيء خلق من الماء"، وفي لفظ: "أن الله تعالى خلق كل شيء من الماء".

"IN KATAN UNU-UNU PIYAPANJARI DAIN HA TUBIG" ha hambuuk riwayat

"SABUNNAL TUUD IN ALLAHU TA'ALA PIYAPANJARI NIYA IN KATAN DAIN HA TUBIG"

In hadith ini sambung sin pangasubu hi Abu Hurayrah (r.a) ha Nabi Muhammad (saw) sin nangasubu siya sin awwal sin katan unu-unu sakali in sambag kaniya sin Rasul (saw) amuna in hadith yan.

Bang kita mattu pa Qaedah atawa usul apabila magsulang in hadith daif (malamma) iban sin Hadith sahi tantu subayta saggawun in sahi, nah biyah diin na bang in nagsulang sahi iban mawdhu'….???

Yari isab in manga Ulama’ sin sufi’s amuin namaytah sin bukun bunnal in Nur Muhammad atawa hakikat Muhammadiyyah.

(1)-Naasubu hi Dr. Muhammad Sa’ed Ramadan Al-Bouti:

ذكر لنا إمام المسجد أن الله قد خلق النبي صلي الله عليه وسلم من نوره، وليس من الطين كسائر البشر، فهل هذا قول صحيح؟.

Siyabbut kamu sin hambuuk Imam ha Masjid ha sabunnal tuud in Allahu Ta’ala piyapanjari niya hi Muhammad (saw) dain ha Nur (sahaya) niya, bukun siya piyapanjari dain ha lupah biyah sin katan manusiyah, unu ini bunnal?

فأجاب : بل هو كسائر البشر خلق مما خلق منه أبونا آدم. ولكن هذا لا يعني أنه في مستوى سائر البشر بل نقول عنه: محمد بشر وليس كالبشر بل هو ياقوتة والناس كالحجر.

In Jawab niya: Nah in siya (Muhammad (saw) piyapanjari siya sin Allahu Ta’ala dain ha lupah biyah sin pagpapanjari kan Apuh natuh Adam, sagawah bukun in Hatiniya in siya (Muhammad (saw) sumibuh ha darajat (martabbat) sin katan manusiyah, sah mamung kitaniyu ha tungud kaniya: hi Muhammad hambuuk manusiyah sah biddah dain ha manga manusiyah, in Nabi Muhammad (saw) in siya hambuuk palmata ampa in manusiyah batu pasil-pasil.

(2)- Shiekh Abdullah Al-gummariy ha Risalah niya [Murshidul Haair libayani hadithi Jabir]; Tiyantu sin Shiekh ini in magparatsaya ha Nur Muhammad amuin biyah sin pamaratsaya sin kaibanan Sufiyyah hambuuk dusa salagguh-lagguh iban hambuuk panghimuting pa Rasul (saw), iban biyaytah niya in hadith amuin piyagdalil sin manga sufi’s hadith Mawdhu’ (hinang-hinang).

(3)- Shiekh Abdullah ibn Ahmad Basudan (hambuuk Shiekh sin Sufi ha Hadramaut Yemen) ha Kitab niya [Hadaikul Arwah Vol. 1 page 323], Ubus niya mayan siyabbut in hadith riwayat dain kan Jabir amuin piyagdalil sin kaibanan Sufi’s in Nur Muhammad amuna in puunan sin kanyawa-nyawahan iban sin katan manusiyah, laung niya: “In ini hambuuk puunan (sin aqeedah) larak, makainu-inu ha tau taga akkal in hikapamung niya in bihaini, bang upama bunnal in kabtangan yan nah in Yahudi (Jews) iban nasara (Christian) iban sin katan Agama kupur in sila katan dain ha puunan sin Rasul (saw).

Mataud pa sasambungan sin manga ulama' ha tumpukan hika duwa sah mamarahina in nasabbut natuh ini sartah in hadith hi Jabir (r.a.) yanda piyaguwah sin kataymanghuran ha blogs nila.

Bihayaun; pagka in kamatauran ha tiranan ini Ashaerah in aqeedah nila mabayah aku salassayun in pagpapanjari sin Allahu Ta'ala ha katan makhluk ha pamaham sin Asha'erah, sabab ha pamaham sin manga Salafiy asal matampal na sin in sila miyamagad ha Hadith sin Rasul (saw) amuin naparatung sin manga sahabat niya iban tabi'in.

Nasabbut sin manga Asha'erah in Qudrat iban Iradat sin Allahu Ta'ala tumaallok pa magpa awn sin makhluk iban magpa uway, hatiniya tumaalluk siya pa parakalah Jaiz (harus). Sakali in taalluk sin duwa sipat yan pa Jaiz amuna in duwa taalluk; Suluhiyyan iban Tanjiziyyan.

In Qudrat duwa in taalluk niya; amuna in suluhiyyun qadeem iban tanjiziyyun hadis. Ampa in Iradat tuw in taalluk niya; amuna in suluhiyyun qadeem iban tanjiziyyun qadeem iban tanjiziyyun hadis.

Habaytah sin ilmu' tawheed in katan makhluk amuin tiyaallukan sin qudrat iban iradat sin Allahu Ta'ala in asal nila dain ha way, sakali ha AZAL timaalluk in sipat sin Allahu Ta'ala ha papanjarihun in makhluk iban dih papanjarihun amuyan in taalluk sin qudrat iban iradat suluhiyyun qadeem, ha tiyantu mayan in papanjarihunna in makhluk hatiniya tiyugilah na amuyan in taalluk sin iradat tanjiziyyun qadeem ha fima yazal.. nag nyatah mayan hatiniya piyapanjarina in makhluk ha fiyma la yazal amuna yan in taalluk sin qudrat iban iradat tanjiziyyun hadis.

Sakali manga taymanghud, ha baytah ini in katan makhluk piyapanjari dain ha way pa awn (wujud). Bang bihadtu nagsulang in pangadjih ini iban sin Nur Muhammad amuin piyangsutan sin katan makhluk???

Dung-dung kamu marayaw….!!!!!

Note: bang in kaawnan mu timutundan ha Aqeedah sin salaf tantu dihna sadja kaw mamaratsaya ha Nur Muhammad pagbahasahun sabab sin way hadith sahi namaytah kaniya sartah gamnamayan simulang siya ha Qur'an iban Hadith. bang kaw isab timutundan ha Aqeedah sin Asha'erah tantu dih daisab kaw kumahagad sin Nur Muhammad sabab matarrang ha explanation ha taas yan. amura kuman bangkaw miyamagad ha Aqeedah sin Shi'ah iban Ghulat Sufiyyah nah duun nakaw mag-agad iban sin aqeedah nila..

Read more: http://www.tausugnet.com/profiles/blogs/kamattanan-sin-nur-muhammad#ixzz11JFarWbC