Byaktul he : Tuwan SaWaD AL-AzHaRy
At-tafwêd:
A-Unu in hâti sin “At-tafwêd” ? iban pilang kaginis in tafwêd ?
In hâti sin At-tafwêd : tuput tunggal in Tuhan maka ingat bang unu in ma'na iban hantang sin Sifat.
Duwa in ginisan sin tafwêd :
1-Tafwêd alma'na : in hâti niya , tuput tunggal in Tuhan maka ingat bang unu in hâti sin Sifat.
2-Tafwêd alkayf :in hati niya , tuput tunggal in Tuhan maka ingat bang biyaddi’in in kahantang sin Sifat.
B-Bunnal baha' in panawhêd sin As-Salaf As-Sâlih ha tungud sin Asma’ was Sifat , mag tafwêd?
hâti niya , in pangahagad sin As-Salaf As-Sâlih ha Asma' was-Sifat , di' kaingatan bang unu in ma'na iban bang biya'di’in in kahantang niya ?
In manga As-Salaf As-Sâlih bang sila mag kabtangan ha palihâlan Sifat sin Tuhan "amirruha kama ja'at" hâti niya , tayma'a niyu na sadja' in giyampungan sin manga sifat ini biya' sin kiya lukis ha Qur’ân iban Hadêth , bukun in hâti niya wayru’un ma'na sin manga sifat sin Tuhan atawa di' kahâtihan , sumagawa' in maksud sin kabtangan nila ini , In hantang sin sifat sin Tuhan di' kaingatan , adâpun in ma'na atawa hâti sin manga sifat sin Tuhan , in yân kahâtihan iban matarrang.
Biya' sin biyayta' hi Imam Malik ha pasalan sin pag Istiwa' laung niya (Alistiwa' ma'lûm "in istiwa' kahâtihan") in kabtangan Istiwa' , kaingatan ta bang unu in ma'na niya ( wal kayf majhûl "in hantang di' kaingatan") sumagwa' , pagka in sifat istiwa' ini , sifat istiwa' sin Tuhan , bukun manunujûki pa sifat istiwa' sin mânusiya' , na di' ta kaingatan bang biyaddi’in in hantang sin Pag istiwa' sin Tuhan , sumagawa' in pag istiwa' sin mânusiya' kaingatan ta in hantang iban ma'na niya.
sawpâma parman in Allahu ta’âla ini:
قال تعالي وكان الله سميعاً بصيراً
Hâti niya:
parman sin Allahu ta’âla ini:{ bunnal tu’ud in Allâh jukup maka dungug iban jukup maka kita’ } ...[An-Nisa' :134].
Unu in Sifat maka dungug iban maka ingat, wayru’un baha’ ma’na niya, salta’ di’ baha siya kahâtihan?
Bunnal tu’ud kahâtihan sin kita bang unu in hâti sin [ maka dungug iban sin maka ingat ]..
Sumagawa’ in pangdungug sin Tuhan biyaddi’in baha in kahantang niya? Amu yan in di’ natu’ kaingatan bang biyaddi’in in hantangan niya.
Bihân daisab in katân sifat sin Tuhan, kahâtihan natu’ in ma’na niya, adâpun biyaddi’in in kahantang sin manga sifat Niya, di’ natu’ na kaingatan iban di’ na ma’abut pikilun sin mânusiya’.
Bang du’unun, in Tafwêd sin Asssalaf assâlih, amun Tafwêd Alkayf [ pagpahantang ], bukun tafwêd ma’an, amun biya’ sin biyayta’ sin kaibanan manga khalaf, sabab in Assalaf assâlih di’ sila ini mag ta-tafwêd ha ma’an.
Unu in makawa’ natu’ dalêl pangamdusan, ha palihâlan sin As-Salaf As-Sâlih , sin sila di' mag tafwêd ha ma'na ?
jawâb:
In makawa’ natu’ pangamdusan dalêl , wayru'un misan hambu’uk dayng ha manga sahâbat kiya byata’ ha Hadêth , sibu' da Hadêth sahih atawa Hadêth malama , nabangkil , sin awn dayng ha manga sahâbat nangasubu atawa imusisa’ pa Nabi (sallallahu alyhi wa salam) bang unu in hâti tungud sin manga Sifat sin Tuhan .
parahal in manga sahâbat, na’asubu iban na’usisa’ nila in Nabi(sallallâhu ‘alayhi wa sallam) ha katân unu-unu parkala’ pag agama, sumagawa’, bang ha palihâlan sifat sin Tuhan, misan hambu’uk dayng kanila, wayru’un naka bungat imasubu ha tungud yan.
mayta’ baha’ unu hangkan? Mahita’ bukun baha’ mahalga’ in humâti ha manga kasifat sifatan sin Tuhan? Atawa isab baha’ di’ nila na kalagihan usisa’un bang unu in ma’na’ sin manga sifat sin Tuhan, pasal baha’ sin matarrang da kanila bang unu in ma’na?
In kamattan niya ha tungud sin pakaradjâ’an ini, asal matarrang na kanila in ma'na sin manga kasifat sifatan sin maha sutsi Allâh.
Mayta’ baha yadtu?, sabab subay natu' tum-tumun dayng ha manga salaggu' -laggu' âyat halawm Qur,ân , amuna in âyat Al-Kursy , ampa in âyat Al-Kursy , manga kasifat sifatan sin Allâh in nagkabangkil ha lawman niya.
Hâtihan niya , in salaggu' laggu' âyat halaw sin Qur’ân maha mulliya, amun manga âyat nabangkil in manga sifat sin Tuhan halawman niya , bukun baha' ini tanda' manunjûki sin kahalga' sin pangingat ha pasalan sin sifat sin Tuhan.
bayta’ dayng kan 'Ubay bin Ka'ab (radiyallahu anhu) , nag sabda in Rasul (sallallahu alyhi wa salam) :Ya Abal Munthir , kaingatan muka bang unu in salaggu' laggu' âyat ha Quran ? laung ku : Allâh iban sin Rasûl Niya in labi maka ingat : sabda in Rasûl (sallallâhu alayhi wa salam) :Ya Abal Munthir , kaingatan mu , bang unu in salaggu' laggu' âyat sin Quran ? , laung ku: Allâhu lâ 'ilâha 'illâ huwal-hayyul kayyûm "âyat alkursy" [kiya riwayat hi Imam Muslim].
Bassaha niyu man Bang Unu in piyag bidda'an sin Sifat Zâtîyah iban Sifat Fi'lîyah ha gikap hika lima
Subhanakallahu wa bihamdik ,astagfiruka wa atubu ‘ilayk [kaffaratul majlis]
No comments:
Post a Comment