Byaktul he : Tuwan SaWaD AL-AzHaRy
Unu in piyag bidda'an sin Sifat Zâtîyah iban Sifat Fi'lîyah ?
Muna-muna , in katan sifat sin Tuhan , sifat jukup, in lawan sin manga sifat ini , amuna sifat kakulang , bunnal tu’ud in maha sutsi Allâh malayu’ dayng ha sifat kakulang.
1- Sifat Zât atawa Sifat Zâtiyya : Sifat tutug ha zât sin Tuhan iban in manga sifat ini wayru'un timata'alluk ha qudra [ga'us] iban 'Irâda [pag baya’].
Pasalan in manga sifat zâtiyya , in kahimut mutan niya , amun di' siya tuma'alluk ha qudra [ ga’us ] iban 'irâda [ pag’ baya’].
Upama biya’ sin sifat Al-haya [kabuhi] sin Tuhan , di' kita makajari mamung in Siya [Allâh] buhi, bang kabaya'an niya , iban in Siya[Allâh] patay, bang kabaya'an niya .
Mayta' yadtu bihadtu unu sabab?
In sababan niya, pasalan in sifat kabuhi’, sifat sin Zât iban salta’ kanuk nukan sin sifat ini, amun di’ siya tuma’alluk ha qudrat [ga’us] iban irâda [ pagbaya’].
damikkiyan, in biya’ daisab hayadtu in sifat Al-Qudra [ga’us ] di’ daisab kita makajari mamung in Allâh maka ga’us bang niya kabaya’an, salta’ di’ siya maka ga’us bang niya’ di’ kabaya’an.
adâpun in manga sifat zâtiyya, biya’ na sin manga Assam’a [ pangdungug], Basar [pangita’], Al-haya [kabuhi], Al-‘ilm [ pangingat ], Al-qudra [ pag-ga’us ], salta’ iban na sin manga kaibanan pa amu in dayng ha manga sifat jukup Allâhu ta’âla.
2- Sifat Fi'il atawa Sifat Fi'lîyya: in manga Sifat ini sifat timata'alluk ha qudra [ ga'us ] iban 'Irâda [pagbaya’ ]".
Upama niya :
In Allâh ka'ulûngan niya in kabaya'an niya ka'ulûngan , iban siksa'un niya in kabaya'an niya siksa'un , mag rida' siya ha kabaya'an niya karida'an , iban kabunsihan niya in kabaya'an niya kabunsihan , in manga sifat ini , sifat fi'liyyah in pag tawag kaniya , iban timata'alluk ha kudra [ ga'us ] iban 'Irâda [ pag baya’ ].
Dayng ha manga Sifat Fi'liyya, biya' na sin (pag kasi , pag katawa, pag dugal, pag angkat [ istiwa' ], pag na'ug [annuzul ], iban na sin manga kaibanan pa dugaing daing ha manga sifat jukup sin Allâhu ta'ala).
Dayng ha sabab yadtu , in unu-unu na sifat timata'alluk ha qudra iban irâda in pag tawag kaniya Sifat fi'liyya , in katân-tan sifat amu in wayru’un tima'alluk ha qudra iban 'irâda , in pag tawag kaniya sifat Zâtiyyah.
Upama niya :
Bunnal tu’ud in Allah di' mag anak iban wayru'un piyag anak , in manga sifat ini , sifat Zâtiyyah .
Bang sawpama' asubuhun natu' in manga Nasrâni , mayta' kamu mag kahagad in Tuhan naka anak iban piyag anak , iban bîtay ha kurus iban kiya lura'an ? iban biyaddi’in kamu mag kahagad in Tuhan miyatay?
In hisambung nila , pasalan maka ga'us in Tuhan, ha unu-unu na kabaya'an niya hinangun kaga'usan niya hinangun , kaga'usan niya in matay bang kabaya'an niya matay .
In manga bitsara nila ini manunjûki sin ka'awam nila ,sabab di' nila misan ma masilang in sifat zât iban sifat fi'il , in sifat kabuhi sifat sin zât , wayru'un timata'alluk ha qudra iban irâda , bukun siya sifat fi'il ,iban in kamatay sifat kakulang , na bunnal tu’ud in Allâh, maha sutsi dayng ha sifat kakulang .
Sabab bang laung nila, in Tuhan miyatay tû [3] adlaw , hâti niya in manga piyapanjari niya wayru’un na nag kalagihan kaniya ha lawm sin manga adlaw miyamatay siya , wal'iyazu-billah.
Unu in piyag bidda'an sin Isim [ Ngân ] iban Sifat ?
1-Muna-muna :
In manga kangân-ngânan sin Allahu ta'ala kyandutan sin sifat .
upama niya :
Dayng ha manga Ngân sin Allâh Al-Rahman in sifat kyandutan niya sifat "Alrahma" ulung .
As-Samee" in sifat kyandutan niya "As-samah" makarungug .
Al-Qadir in sifat kyandutan niya "Al-Qudra" maka ga'us
Adâpun In Sifat sin Allâh di’ kaw makajari kumawa' dayng kaniya hinangun ta Ngân sin Allâhu ta'ala .
upama niya :
Dayng ha manga sifat sin Allah in Alrida "mag ridah" , wayru’un tiyugut sin sara' in ngânan in Allâh [ Alradi ] sabab dayng ha manga sifat niya"mag ridah" .
Al-Ghadab [ pag dugal ] , wayru’un tiyugut sin sara' ngânan in Allâh [Al-Gadib ] sabab dayng ha manga sifat sin Allâh in [ pag dugalan ].
Daing ha sabab yadtu , unu unu Ngan sin Tuhan kumandut pa Sifat , sumagawa di' manjar' kumawa' daing ha manga sifat ini hinangun ta Ngan sin Allahu ta'ala .
2- In kangan ngânan sin Allahu ta'ala , tiyugut sin sara’ hipag ngân sin kita bang kabutangan Abd [ êpun] ha 'unahan niya .
upama niya :
Abdullâh dayng ha manga ngân sin Allâh, Abdulrahman dayng ha manga ngân sin Allâh Alrahman , Abdulazêz dayng ha manga ngân sin Allâh Alazêz ...iban dugaing pa , in manga kangan ngânan ini tiyugut kâtu’ niyu sin sara' islam.
Adâpun in manga sifat sin Allâh wala’ tiyugut sin sara kawa’un hipag ngân, misan pa in ka’awnan niya butangan Abd [ êpun ]ha 'unahan niya .
upama niya :
Dayng ha manga Sifat sin Allâh, biya’ sin manga ini, Al-'izza , Al-Qudra ....... iban dugaing pa daing haini .
laung mu :
Abdul 'izza "êpu sin Izza" atawa Abdul Qudra "êpun sin Qudra" ......... iban dugaing pa daing haini , in manga ini .
3- In manga kangan ngânan sin Ngan sin Allah , makajari siya pakayun hipag dwa'a
upama niya :
Ya Allah , Ya Rahman , Ya Ghafour........... iban dugaing pa daing haini .
In manga kasifat sifatan sin Allâhu ta’âla, wala’ tiyugut sin sara’ pakayun ta ha pag duwa’a.
upama niya :
Ya 'izza "Oo Izza sin Tuhan ..." atawa Ya Qudra "Oo Qudra sin Tuhan" ........ in manga duwa'a ini wayru’un jiyari sin sara’ , sabab subay tu’ud in pag duwa'a tudju harap pa Allâhu ta’âlah , bukun harap pa manga sifat niya, sabab in duwa’a dayng ha manga tibayhu’an sin pag ibâdat, na in unu unu na pag ibâdat subay wayru’un sagnatan niya kansiyu siyu na malayngkan subay ra tu’ud tudju mu madtu kaniya.
Sumagawa , makajari in manga sifat sin Allâh hipag tawassul .
upama niya:
Sabda sin Nabi (sallallahu alyhi wa salam) Allahumma bi'ilmikal gayb wa Qudratika alal khalk....)
in hati sin dwa'a ini:
Ya Allah hipag tawassul ku kaymu in pangingat mu sin gayb iban hipag tawassul ku kaymu in ga'us mu ha manga piyapanjari mu .....
4- In katân kangan ngânan sin Tuhan , manunjûki pa Zât sin Tuhan iban pa Sifat Niya.
In Sifat , manunjûki pa manga sifat tattap ha zât sin Tuhan , sibu' da in ka'awnan niya , sifat Zâtiyya atawa sifat fi'liyya.
Alhamdulillah , na 'ubus na kita niyu nag lilay sin manga Mustalahat , walhamdulillah
Subhanakallahu wa bihamdik ,astagfiruka wa atubu ‘ilayk [kaffaratul majlis]
Muna-muna , in katan sifat sin Tuhan , sifat jukup, in lawan sin manga sifat ini , amuna sifat kakulang , bunnal tu’ud in maha sutsi Allâh malayu’ dayng ha sifat kakulang.
1- Sifat Zât atawa Sifat Zâtiyya : Sifat tutug ha zât sin Tuhan iban in manga sifat ini wayru'un timata'alluk ha qudra [ga'us] iban 'Irâda [pag baya’].
Pasalan in manga sifat zâtiyya , in kahimut mutan niya , amun di' siya tuma'alluk ha qudra [ ga’us ] iban 'irâda [ pag’ baya’].
Upama biya’ sin sifat Al-haya [kabuhi] sin Tuhan , di' kita makajari mamung in Siya [Allâh] buhi, bang kabaya'an niya , iban in Siya[Allâh] patay, bang kabaya'an niya .
Mayta' yadtu bihadtu unu sabab?
In sababan niya, pasalan in sifat kabuhi’, sifat sin Zât iban salta’ kanuk nukan sin sifat ini, amun di’ siya tuma’alluk ha qudrat [ga’us] iban irâda [ pagbaya’].
damikkiyan, in biya’ daisab hayadtu in sifat Al-Qudra [ga’us ] di’ daisab kita makajari mamung in Allâh maka ga’us bang niya kabaya’an, salta’ di’ siya maka ga’us bang niya’ di’ kabaya’an.
adâpun in manga sifat zâtiyya, biya’ na sin manga Assam’a [ pangdungug], Basar [pangita’], Al-haya [kabuhi], Al-‘ilm [ pangingat ], Al-qudra [ pag-ga’us ], salta’ iban na sin manga kaibanan pa amu in dayng ha manga sifat jukup Allâhu ta’âla.
2- Sifat Fi'il atawa Sifat Fi'lîyya: in manga Sifat ini sifat timata'alluk ha qudra [ ga'us ] iban 'Irâda [pagbaya’ ]".
Upama niya :
In Allâh ka'ulûngan niya in kabaya'an niya ka'ulûngan , iban siksa'un niya in kabaya'an niya siksa'un , mag rida' siya ha kabaya'an niya karida'an , iban kabunsihan niya in kabaya'an niya kabunsihan , in manga sifat ini , sifat fi'liyyah in pag tawag kaniya , iban timata'alluk ha kudra [ ga'us ] iban 'Irâda [ pag baya’ ].
Dayng ha manga Sifat Fi'liyya, biya' na sin (pag kasi , pag katawa, pag dugal, pag angkat [ istiwa' ], pag na'ug [annuzul ], iban na sin manga kaibanan pa dugaing daing ha manga sifat jukup sin Allâhu ta'ala).
Dayng ha sabab yadtu , in unu-unu na sifat timata'alluk ha qudra iban irâda in pag tawag kaniya Sifat fi'liyya , in katân-tan sifat amu in wayru’un tima'alluk ha qudra iban 'irâda , in pag tawag kaniya sifat Zâtiyyah.
Upama niya :
Bunnal tu’ud in Allah di' mag anak iban wayru'un piyag anak , in manga sifat ini , sifat Zâtiyyah .
Bang sawpama' asubuhun natu' in manga Nasrâni , mayta' kamu mag kahagad in Tuhan naka anak iban piyag anak , iban bîtay ha kurus iban kiya lura'an ? iban biyaddi’in kamu mag kahagad in Tuhan miyatay?
In hisambung nila , pasalan maka ga'us in Tuhan, ha unu-unu na kabaya'an niya hinangun kaga'usan niya hinangun , kaga'usan niya in matay bang kabaya'an niya matay .
In manga bitsara nila ini manunjûki sin ka'awam nila ,sabab di' nila misan ma masilang in sifat zât iban sifat fi'il , in sifat kabuhi sifat sin zât , wayru'un timata'alluk ha qudra iban irâda , bukun siya sifat fi'il ,iban in kamatay sifat kakulang , na bunnal tu’ud in Allâh, maha sutsi dayng ha sifat kakulang .
Sabab bang laung nila, in Tuhan miyatay tû [3] adlaw , hâti niya in manga piyapanjari niya wayru’un na nag kalagihan kaniya ha lawm sin manga adlaw miyamatay siya , wal'iyazu-billah.
Unu in piyag bidda'an sin Isim [ Ngân ] iban Sifat ?
1-Muna-muna :
In manga kangân-ngânan sin Allahu ta'ala kyandutan sin sifat .
upama niya :
Dayng ha manga Ngân sin Allâh Al-Rahman in sifat kyandutan niya sifat "Alrahma" ulung .
As-Samee" in sifat kyandutan niya "As-samah" makarungug .
Al-Qadir in sifat kyandutan niya "Al-Qudra" maka ga'us
Adâpun In Sifat sin Allâh di’ kaw makajari kumawa' dayng kaniya hinangun ta Ngân sin Allâhu ta'ala .
upama niya :
Dayng ha manga sifat sin Allah in Alrida "mag ridah" , wayru’un tiyugut sin sara' in ngânan in Allâh [ Alradi ] sabab dayng ha manga sifat niya"mag ridah" .
Al-Ghadab [ pag dugal ] , wayru’un tiyugut sin sara' ngânan in Allâh [Al-Gadib ] sabab dayng ha manga sifat sin Allâh in [ pag dugalan ].
Daing ha sabab yadtu , unu unu Ngan sin Tuhan kumandut pa Sifat , sumagawa di' manjar' kumawa' daing ha manga sifat ini hinangun ta Ngan sin Allahu ta'ala .
2- In kangan ngânan sin Allahu ta'ala , tiyugut sin sara’ hipag ngân sin kita bang kabutangan Abd [ êpun] ha 'unahan niya .
upama niya :
Abdullâh dayng ha manga ngân sin Allâh, Abdulrahman dayng ha manga ngân sin Allâh Alrahman , Abdulazêz dayng ha manga ngân sin Allâh Alazêz ...iban dugaing pa , in manga kangan ngânan ini tiyugut kâtu’ niyu sin sara' islam.
Adâpun in manga sifat sin Allâh wala’ tiyugut sin sara kawa’un hipag ngân, misan pa in ka’awnan niya butangan Abd [ êpun ]ha 'unahan niya .
upama niya :
Dayng ha manga Sifat sin Allâh, biya’ sin manga ini, Al-'izza , Al-Qudra ....... iban dugaing pa daing haini .
laung mu :
Abdul 'izza "êpu sin Izza" atawa Abdul Qudra "êpun sin Qudra" ......... iban dugaing pa daing haini , in manga ini .
3- In manga kangan ngânan sin Ngan sin Allah , makajari siya pakayun hipag dwa'a
upama niya :
Ya Allah , Ya Rahman , Ya Ghafour........... iban dugaing pa daing haini .
In manga kasifat sifatan sin Allâhu ta’âla, wala’ tiyugut sin sara’ pakayun ta ha pag duwa’a.
upama niya :
Ya 'izza "Oo Izza sin Tuhan ..." atawa Ya Qudra "Oo Qudra sin Tuhan" ........ in manga duwa'a ini wayru’un jiyari sin sara’ , sabab subay tu’ud in pag duwa'a tudju harap pa Allâhu ta’âlah , bukun harap pa manga sifat niya, sabab in duwa’a dayng ha manga tibayhu’an sin pag ibâdat, na in unu unu na pag ibâdat subay wayru’un sagnatan niya kansiyu siyu na malayngkan subay ra tu’ud tudju mu madtu kaniya.
Sumagawa , makajari in manga sifat sin Allâh hipag tawassul .
upama niya:
Sabda sin Nabi (sallallahu alyhi wa salam) Allahumma bi'ilmikal gayb wa Qudratika alal khalk....)
in hati sin dwa'a ini:
Ya Allah hipag tawassul ku kaymu in pangingat mu sin gayb iban hipag tawassul ku kaymu in ga'us mu ha manga piyapanjari mu .....
4- In katân kangan ngânan sin Tuhan , manunjûki pa Zât sin Tuhan iban pa Sifat Niya.
In Sifat , manunjûki pa manga sifat tattap ha zât sin Tuhan , sibu' da in ka'awnan niya , sifat Zâtiyya atawa sifat fi'liyya.
Alhamdulillah , na 'ubus na kita niyu nag lilay sin manga Mustalahat , walhamdulillah
Subhanakallahu wa bihamdik ,astagfiruka wa atubu ‘ilayk [kaffaratul majlis]
No comments:
Post a Comment