(By Abu Mardiya As-Salafiy (TL
قال الإمام الترمذي في حديث : (( .. لو أنكم دليتم بحبل إلى الأرض السفلى لهبط على الله ، ثم قرأ ( هو الأول والآخر والظاهر والباطن وهو بكل شيء عليم ) [ قال الإمام الترمذي ] : هذا حديث غريب من هذا الوجه .. وفسر بعض أهل العلم هذا الحديث فقالوا : إنما هبط على علم الله وقدرته وسلطانه ، وعلم الله وقدرته وسلطانه في كل مكان وهو على العرش كما وصف في كتابه )) اهـ كلام الإمام الترمذي من كتاب ( تحفة الأحوذي ) طبعة قرطبة ـ المجلد التاسع ـ صفحة 187
Agi hi Imam Termziy ha Hadith:(bang in kamo tiyunton niyo in hukot pa dunya ha baba tanto mahulug pa Allah,ampa niyabiyassa in Farman(siya in panagnaan iban siya in kahinapusan iban siya in nakakatapok iban siya in nakakatampal) Agi hi Imam At-Termezy: in Hadith ini Gharib ha bihaini dagbos...Tiyapsiran sin kaibanan Ahlol ILm in Hadith ini agi nila: Adapun timonton duun ha Ilmo sin Allah iban Qudrat niya iban kawasa niya,ampa in ilmo iban Qudrat Kawasa niya yan ha katan binaybayan sarta in siya ha Taas Arash biya sin kiyabayta ha kitab niya.)
kabtangan hi Imam At-Termizy dain ha kitab (Tuhfatol Ahwazy) 9/187.
..
.
Hi Imam Termzy dain ha mga Salafussalih hambuuk tagdapo sin kitab sunnat amon pagtawagon Al-kutub As-Sitta tiyafsiran niya in hadith ini biya' na sin kita niyo gamman liyayin niya pa dain ha kaibanan Ahlol-ILM ha jaman niya.
.
.
Uno baha in hikabayta hi Ibno Taymiyya iban hi Ibn Qayyim -amuin mattan miyagad ha Salaf -sin Ta'welan sin Salaf ini????
.
.
Muna-muna ha dih pa kita makalatun pa kaul hi Shiekhul Islam Ibn Taymiyyah iban hi Imam Ibn Qayyim (Kiyaulungan sila duwa sin Allah), awn sadja hipatumtum ku maniyuh tiyuh..
.
Bang kaw sahbu nagsasawuk tubig ha kuppung sakali awn hambuuk tau dimatung mawn kaymu magtuy niya tiyubbah liyubug in tubig piyagsasawukan mu, nah ayaw mu siya abjani magtuy adakalah in tau yan nagkalu iban sin asawa niya ubus nara sadja kaw sin dugal niya dain ha bay, sah lawag kaw tiranan hasupaya lumihaw magbalik in lubug...
.
Yari in pamaham sin Salafiy bahgu (laung sin bahasa nila) amuin mattan miyagad ha undang undang sin salafiy daan.
.
1- Hi Imam At-Tirmidhi dain ha manga Ulama' salaf iban ahlul hadith, in Aqeedah hi Imam At-Tirmidhi amura in tiyundanan sin Aqeedah hi Imam Ibn Taymiyyah iban hi Imam Ibn Qayyim (kiyaridaan sila sin Allahu Ta'ala katan), ha sabab ini wayruun misan biyah hanglup panuhuma hi Ibn Taymiyyah iban hi Ibn Qayyim ha Aqeedah hi Imam At-Tirmidhi.
.
2- In shubahat sin manga makusug in guni-guni ha hadith tandah sin way nila kiyapahaman in riwayat hi Imam Tirmidhi iban sin kaul hi Ibn Taymiyyah kay Ibn Qayyim, hatiku sabab sin dugal nila atawa lubug in pamaham nila..
.
3- Laung hi Imam Tirmidhi:
هذا حديث غريب من هذا الوجه .. وفسر بعض أهل العلم هذا الحديث فقالوا : إنما هبط على علم الله وقدرته وسلطانه ، وعلم الله وقدرته وسلطانه في كل مكان وهو على العرش كما وصف في كتابه
in Hadith ini Gharib ha bihaini tibayhuan...Tiyapsiran sin KAIBANAN AHLOL ILM in Hadith ini agi nila: Adapun timonton duun ha Ilmo sin Allah iban Qudrat niya iban kawasa niya,ampa in ilmo iban Qudrat Kawasa niya yan ha katan binaybayan sarta in siya ha Taas Arash biya sin kiyabayta ha kitab niya.)
.
matampal ha pamung hi Imam Tirmidhi sin bukun siya in nagtapsir sin hadith ini, sah siyalin niya dain ha panapsir sin kaibanan ahlul Ilm, hatiniya bukun katan sin ahlul ilm timapsir biyah sin nasabbut hi Imam Tirmidhi, sah kaibanan nila, adapun in hatihan sin kaibanan adakalah duwa adakalah tuw adakalah upat....hatiniya dain ha jumlahan tiyuh-tiyuh..
.
4- Ampa in sambag hi Ibn Taymiyyah ha kitab niya Resalah Al-'Arshiyyah iban ha Majmu' al-Fatawa (Vol.6/pp. 574 ) manunjuki sin ridah siya ha panapser hi Imam Tirmidhi.. laung niya:
.
ولهذا قرأ في تمام هذا الحديث : {هُوَ الْأَوَّلُ وَالْآخِرُ وَالظَّاهِرُ وَالْبَاطِنُ وَهُوَ بِكُلِّ شَيْءٍ عَلِيمٌ} [الحديد:3]. وهذا كله على تقدير صحته، فإن الترمذي لما رواه قال: وفسره بعض أهل الحديث بأنه هبط على علم الله، وبعض الحلولية والاتحادية يظن أن في هذا الحديث ما يدل على قولهم الباطل، وهو أنه حال بذاته في كل مكان، وأن وجوده وجود الأمكنة ونحو ذلك. والتحقيق : أن الحديث لا يدل على شىء من ذلك إن كان ثابتًا، فإن قوله: (لو أدلى بحبل لهبط) يدل على أنه ليس في المدلى ولا في الحبل، ولا في الدلو ولا في غير ذلك، وإنها تقتضي أنه من تلك الناحية، وكذلك تأويله بالعلم تأويل ظاهر الفساد، من جنس تأويلات الجهمية، بل بتقدير ثبوته يكون دالاً على الإحاطة. " انتهى.
Duun ha ini biyatbat niya ha hinapusan sin Hadith (HUWAL AWWALU (SIYA IN PANAGNAAN) WAL 'AKHIRU (SIYA IN HINAPUSAN) WADZ-DZHAHIRU (SIYA IN NAKATATAMPAL) WAL BAATINU (SIYA IN NAKATATAPUK) IBAN IN SIYA HA TIYAP-TIYAP UNU-UNU TUBUS IN PANGHATI NIYA.) [Surah Al-Hadid: 3]. In katan ini ha sakadar sahi (in riwayat sin hadith ini) sabunnal tuud hi Tirmidhi ha samantarah riwayat niya in hadith ini namung siya: IBAN TIYAPSIRAN SIN KAIBANAN AHLUL ILM (AHLUL HADITH) HA SABUNNAL TUUD IN LUBID TIYUNTUN PA BABAH SIN DUNYA MAHULUG PA ILMUH (PANGHATI SIN ALLAHU TA'ALA). Nah in kaibanan HULUWLIYYAH (manga nag-ii'tikad in Allahu Ta'ala limalamugay ha piyapanjari niya) iban sin kaibanan ITTIHADIYYAH (nag-ii'tikad in Allahu Ta'ala nagmimisrah nahahambuuk iban sin piyapanjari niya) mag-I'tikad sila ha sabunnal tuud in hadith ini manunjuki (pagpakusug ) sin kaul nila larak (ba'tal) ha in Jat sin Allahu Ta'ala simasartah ha katan lugal, iban in Wujud sin Allahu Ta'ala wujud tampat iban pa sin kaibanan I'tikad nila.
.
IN KASABUNNALAN: in hadith dih tuud manunjuki pa damikkiyan unu-ununa kabtangan nila (huluwliyyah iban Ittihadiyyah) bang in kaawnan sin hadith thabit (bunnal, sahi). Sabunnal tuud in kaul niya (bang hituntun in lubid nah mahulug) manunjuki in Allahu Ta'ala walah siya timampat ha tiyuntunan iban ha lubid iban ha pagtuntun iban sin kaibanan pa, karnah manghukumi in siya Allah duun timampat ha pihak yan, damikkiyan ha pagta'wil niya pa ILMUH pagta'wil matampal walah kimugdan dain ha manga pagta'wil sin Jahmiyyah, nah bang ha sakadar paruunun ta sin thabit (tantu in panapsir yan) manunjuki in ma'ana niya yan pa IHAATA (hatiniya: panakupi sin Allahu Ta'ala).
.
POINT ATAWA KATARRANGAN SIN KAUL HI IMAM IBN TAYMIYYAH:
.
Nahinang sasaw ha pikilan sin madugal kan Ibn Taymiyyah iban kan Ibn Qayyim tungud ha panapsir hi Imam Tirmidhi ha hadith ini iban ha pangatud nila in duwa Imam ini tiyuhuma nila hi Imam Tirmidhi dain ha manga Jahmiyyah, nah yari in kasabunnalan sin himumungan sin duwa Imam:
.
· Bukun bunnal in kabtangan nila ha sabunnal tuud hi Imam Tirmidhi piyanindugan niya in panapsir nasabbut niya ha hadith, iban walah namung hi Ibn Taymiyyah iban hi Ibn Qayyim sin piyanindugan hi Imam Tirmidhi in panapsir yan, karnah in duwa Imam ini siyabbut nila sin hi Imam Tirmidhi siyalin niya sadja in panapsir sin kaibanan Ahlul Ilm… laung hi Shiekhul Islam Ibn Taymiyyah ha Resalah Al-'Arshiyyah:
.
فإن الترمذي لما رواه قال: وفسره بعض أهل الحديث بأنه هبط على علم الله،
sabunnal tuud hi Tirmidhi ha samantarah riwayat niya in hadith ini namung siya: IBAN TIYAPSIRAN SIN KAIBANAN AHLUL ILM (AHLUL HADITH) HA SABUNNAL TUUD IN LUBID TIYUNTUN PA BABAH SIN DUNYA MAHULUG PA ILMUH (PANGHATI SIN ALLAHU TA'ALA).
.
Laung hi Imam Ibn Qayyim ha Sawaa'iq al-Mursala:
.
" والذين قبلوا الحديث اختلفوا في معناه ، فحكى الترمذي عن بعض أهل العلم أن المعنى يهبط على علم الله وقدرته وسلطانه، ومراده على معلوم الله ومقدوره وملكه ،
.
In manga Ulama' amuin timabuk (timaymah) sin Hadith nagsulang sila ha pagma'ana kaniya, siyabbut hi Imam Tirmidhi siyalin niya dain ha kaibanan ahlul ilm ha sabunnal tuud in ma'ana niya "mahulug pa ilmuh sin Allah iban pa Qudrat niya iban pa pamarinta niya, in maksud niya mahulug pa panghati sin Allahu Ta'ala iban pa tiyakdir niya iban palaum pagmilik niya.
.
Duun ha ini matampal sin siyalin sadja hi Imam Tirmidhi in kaul sin kaibanan ahlul ilm.
.
· Hi Imam Ibn Taymiyyah iban hi Imam Ibn Qayyim piyarak nila in antarah ma'ana sin TAPSIR (amuin tataymaun) iban TA'WIL SIN JAHMIYYAH amuin pallingun in kalahilan sin ma'ana pa dugaing ha wayruun palsababan mangdahi kaniya. Hangkan duun ha ini in kabtangan hi Imam Tirmidhi "FASSARAHU BA'DU AHLUL ILM" tiyapsilan sin kaibanan Ahlul ilm, walah siya namung tiya'wilan, ha sabab ini timaayun hi Ibn Taymiyyah iban hi Ibn Qayyim ha panapsir amuin siyalin hi Imam Tirmidhi dain ha kaibanan ahlul ilm ha kabtangan nila duwa:
.
Laung hi Imam Ibn Taymiyyah:
بل بتقدير ثبوته يكون دالاً على الإحاطة. "
Nah bang ha sakadar paruunun ta sin thabit (tantu in panapsir yan) manunjuki in ma'ana niya yan pa IHAATA (hatiniya: panakupi sin Allahu Ta'ala).
.
Laung hi Ibn Qayyim:
" بل بتقدير ثبوته ، فإنما يدل على الإحاطة ، والإحاطة ثابتة عقلا ونقلا وفطرة "
Nah bang ha sakadar paruunun ta sin thabit (tantu in panapsir yan) sabunnal tuud manunjuki in ma'ana niya yan pa IHAATA (hatiniya: panakupi sin Allahu Ta'ala), ampa in panakupi / panglikusi sin Allahu Ta'ala tartantu mattan ha dalil akkal iban naqal (hadith iban Qur'an) iban Fitrah.
.
· Ampa in panuhuma nila kan Ibn Taymiyyah iban kan Ibn Qayyim bat liyamud atawa biylang kunuh sin duwa Imam ini sin hi Imam Tirmidhi dain ha Jahmiiyah nah in tuhuma yan bukun bunnal. Sabab in duwa Imam ini in pagbahasahun nila ta'wil sin Jahmiyyah amuna in pallingun in kalahilan sin ma'ana pa dugaing ha wayruun palsababan mangdahi kaniya, duun ha ini way sila timahga ha panapsir amuin siyalin hi Imam Tirmidhi dain hakaibanan ulama' sin magma'an siya ILMU' SIN ALLAHU TA'ALA karnah in ma'ana niya manunjuki pa panglikusi atawa panakupi sin Allahu Ta'ala.
.
Laung hi Imam Ibn Taymiyyah:
بل بتقدير ثبوته يكون دالاً على الإحاطة. "
Nah bang ha sakadar paruunun ta sin thabit (tantu in panapsir yan) manunjuki in ma'ana niya yan pa IHAATA (hatiniya: panakupi sin Allahu Ta'ala).
.
Laung hi Ibn Qayyim:
بل بتقدير ثبوته ، فإنما يدل على الإحاطة ، والإحاطة ثابتة عقلا ونقلا وفطرة "
Nah bang ha sakadar paruunun ta sin thabit (tantu in panapsir yan) sabunnal tuud manunjuki in ma'ana niya yan pa IHAATA (hatiniya: panakupi sin Allahu Ta'ala), ampa in panakupi / panglikusi sin Allahu Ta'ala tartantu mattan ha dalil akkal iban naqal (hadith iban Qur'an) iban Fitrah.
.
Ampa in palsababan panaayuni nila ha panapsir amuin siyabbut hi Imam Tirmidhi amuna in kalahilan sin Hadith
.
" لو أنكم دليتم بحبل إلى الأرض السفلى لهبط على الله "
.
bang in kaawnan niyu hituntun niyu in hukut pa babah sin dunya tantu mahulug pa Allah.
.
Sabab wayruun manayma'i dain ha katan tumpukan sin Muslim in Allahu Ta'ala ha babah sin Dunya, karnah sulang ini hakasampurnaan sin Jat iban Sipat niya mahasutsi, ha sabab yadtu timaayun sila duwa ha panapsir amuin nasalin hi Imam Tirmidhi dain hakaibanan Ulama'..
Hambuuk pa salagguh-lagguh dalil amuna in kabtangan hi Imam Tirmidhi ha hinapusan laung niya:
.
((وعلم الله وقدرته وسلطانه في كل مكان وهو على العرش كما وصف في كتابه )).
"Iban in Ilmuh iban Qudrat iban pamarinta sin Allahu Ta'ala langkap ha katan lugal iban in Jat niya mahasutsi ha taas Arash biyah na sin kiyasipat niya ha kitb niya Qur'an"
.
Bang dung-dungan sin kitaniyu, in papanaw hi Imam Tirmidhi biyah da sin papanaw sin duwa Imam ini, sabab ha Aqeedah amuin diyara sin duwa Imam ini amuna in mag-I'tikad in Allahu Ta'ala ha taas sin Arash niya ha hantang hikatup hakasampurnaan niya iban kabasaran niya, iban in ilmuh niya iban kawasa niya iban pamarinta niya langkap ha katan piyapanjari..
.
Note:
Kalu bahah in lilayan ini matampal na iban limihaw na in lubug, misan bihattu bang awn hambuuk manusiyah dihilan mu tubig malihaw halaum basu malanuh ubus mamung pa siya sin lubug in tubig halaum basu nah tantuha sin pangitah iban pamikil niya in lubug…. Hidayatan kitaniyu sin Allahu Ta'ala katan pa dan mabuntul…
No comments:
Post a Comment